Beth i’w wneud os ydych chi wedi cael eich dal mewn ymosodiad terfysgol

Os ydych chi wedi cael eich dal mewn ymosodiad terfysgol, mae canllawiau swyddogol yr Heddlu Gwrthderfysgaeth yn argymell dilyn y tair egwyddor ‘Rhedeg’, ‘Cuddio’ a ‘Dweud’.

Rhedeg

Mae’r egwyddor hon yn pwysleisio y dylech chi ddianc os gallwch chi. Pethau pwysig i’w cofio:

• Dylech ystyried a yw hwn yn opsiwn mwyaf diogel. Efallai nad oes llwybr dianc diogel, ac os felly efallai y byddai’n fwy diogel cuddio.
• Mae’n bwysig ystyried a allwch chi ddianc heb eich rhoi eich hun mewn mwy o berygl.
• Dylech chi adael eich eiddo ar ôl.

Cuddio

Os na allwch ddianc (rhedeg), dylech guddio. Pethau pwysig i’w hystyried:

• Dewch o hyd i loches rhag yr ymosodiad.
• Cofiwch nad yw cael eich cuddio rhag y golwg yn gwarantu eich diogelwch – er enghraifft, gall bwledi fynd trwy waliau, brics, pren a metel.
• Os gallwch chi weld yr ymosodwr, mae hynny’n golygu y gallent eich gweld chi.
• Byddwch yn ymwybodol o allanfeydd posibl a cheisiwch beidio â chuddio yn rhywle lle gallech gael eich dal.
• Gwnewch yn siŵr eich bod chi’n cadw’n dawel a bod eich ffôn ar ddistaw (nid ar ddirgrynu).
• Efallai y byddai’n syniad da cloi’r drws neu rwystro’ch hun i mewn.
• Dylech symud i ffwrdd o’r drws lle bo modd.

Dywedwch

Os byddwch chi’n ffonio 999 ond nad yw’n ddiogel i chi siarad na gwneud sŵn, gallwch chi wasgu 55 i roi gwybod i’r sawl sy’n derbyn yr alwad ei bod hi’n alwad ddilys. Gelwir hyn yn ‘Datrysiad Tawel’.

Bydd y derbynnydd galwadau yn rhoi cyfarwyddiadau i chi a byddwch chi’n ymateb trwy besychu neu dapio’ch dyfais pan fydd hi’n ddiogel gwneud hynny.